Xalqaro bolalarni himoya qilish kuni
«O‘yinchoqlar ustaxonasi» xayriya namoyishi — mehr, quvonch va teatrga to‘la kun.
2026-yil 31-may kuni, Xalqaro bolalarni himoya qilish kuni arafasida, Teatr+ maxsus immersiv spektakl namoyish etdi. Unga bolalar uylarida tarbiyalanayotgan va kam ta’minlangan oilalar farzandlari taklif qilindi.
Teatr — har bir bola san’at olamiga yaqinlashishi, chin dildan quvonishi va haqiqiy ertakning bir qismiga aylanishi mumkin bo‘lgan makon. «O‘yinchoqlar ustaxonasi» spektaklining xayriya namoyishi aynan shunday muhit yaratdi.
Shu kuni tomosha zali samimiy tabassumlar, kulgi va yorqin his-tuyg‘ularga to‘ldi. Yosh tomoshabinlar voqealar rivojini katta qiziqish bilan kuzatdilar, qahramonlarga hamdard bo‘ldilar, ularning yutuqlaridan quvondilar va sahnada jonlanayotgan sehrli olamga zavq bilan sho‘ng‘idilar.
Ushbu tashabbusni qo‘llab-quvvatlagani va bolalarga mehr, quvonch hamda yorqin taassurotlarga boy unutilmas kun sovg‘a qilish imkonini bergani uchun O‘zbekiston Respublikasi Prezidenti huzuridagi Ijtimoiy himoya milliy agentligiga samimiy minnatdorchilik bildiramiz.
