Bo'yoqlar

Rassomning ustaxonasida ranglar jonlanadi va rassom bolalar bilan birgalikda surat chizishga kirishadi. Hammasi yaxshi ketayotgan bo‘lardi, agar ranglar o‘zaro janjallashib, bir-biridan ustunligini isbotlashga urinmaganida. Ko‘k, qizil, sariq, yashil va qora ranglarning har biri o‘zining afzalliklarini ishtiyoq bilan ta’kidlaydi. Surat qanday rangda chiqadi? Yosh tomoshabinlarga qaysi rang eng ko‘p yoqadi? Rassom esa qanday yo‘l tutadi? Buni spektakl so‘ngida bilib olamiz.

«Ranglar» spektakli Buyuk Britaniyada o‘tkaziladigan dunyodagi eng yirik teatr festivali — «Fringe»da katta muvaffaqiyat bilan namoyish etilgan. Bir oy davomida «Ranglar» har kuni dunyoning turli burchaklaridan kelgan minnatdor tomoshabinlar zalini quvonch, tabassum va olqishlarga to‘ldirdi. Angliyadagi ushbu teatr festivalida har kuni yuzdan ortiq spektakl namoyish etilishini hisobga olsak, «Ranglar» tanqidchilar tashrif buyurishni tavsiya qilgan eng yaxshi yetti spektakl qatoridan joy oldi.